தொகுப்பாளராக இருந்து தமிழ் சினிமாவின் முன்னணி நாயகனாக வளர்ந்து நிற்பவர் சிவகார்த்திகேயன்.இவர் நடிப்பில் கடைசியாக டான் திரைப்படம் திரையரங்குகளில் வெளியாகி ரசிகர்களிடமும் விமர்சகர்களிடமும் நல்ல வரவேற்பை பெற்று வருகிறது.

இதனை தொடர்ந்து சிவகார்த்திகேயன் ஸ்ரீ  வெங்கடேஸ்வரா சினிமாஸ்,சுரேஷ் புரொடக்ஷன்ஸ் மற்றும் சாந்தி டாக்கீஸ் இணைந்து தயாரிக்கும் ப்ரின்ஸ் படத்தில் நடிக்கிறார்.இந்த படம் தமிழ் மற்றும் தெலுங்கில் bilingual ஆக உருவாகிறது.இந்த படத்தினை தெலுங்கில் சூப்பர்ஹிட் அடித்த Jathi Rathnalu பட இயக்குனர் அனுதீப் இயக்குகிறார்.

தமன் இந்த படத்திற்கு இசையமைக்கிறார்.சத்யராஜ்,பிரேம்ஜி உள்ளிட்டோர் இந்த படத்தில் முக்கிய வேடத்தில் நடிக்கிறார்.இந்த படத்தில் Maria Ryaboshapka என்ற உக்ரைன் நடிகை சிவகார்த்திகேயனுக்கு ஜோடியாக நடிக்கிறார்.இந்த படத்தின் தமிழ்நாடு திரையரங்க உரிமையை கோபுரம் சினிமாஸ் அன்புச்செழியன் கைப்பற்றியுள்ளார்.

இந்த படத்தின் இறுதிக்கட்ட ஷூட்டிங் நடைபெற்று வருகிறது.இந்த படத்தின் பர்ஸ்ட்லுக் போஸ்டர் வெளியாகி நல்ல வரவேற்பை பெற்றிருந்தது.இந்த படம் ஆகஸ்ட் 31ஆம் ரிலீஸ் ஆகும் என்று அறிவிக்கப்பட்டிருந்தது தற்போது இந்த படத்தின் ரிலீஸ் தள்ளிப்போகிறது என்ற தகவலை படக்குழுவினர் அறிவித்துள்ளனர்.

2022 தீபாவளி ரிலீசாக ப்ரின்ஸ் இருக்கும் என்று செம ஜாலியான ஒரு ப்ரோமோவுடன் அறிவித்துள்ளனர்.படத்தினை தீபாவளியன்று காண ரசிகர்கள் ஆர்வத்துடன் காத்திருக்கின்றனர்.இது தீபாவளி அன்று வெளியாகும் முதல் சிவகார்த்திகேயன் படம் என்பது குறிப்பிடத்தக்கது.