டான் படத்தின் சூப்பர் அப்டேட்டை பகிர்ந்த சிவாங்கி ! விவரம் இதோ
By Aravind Selvam | Galatta | September 29, 2021 16:26 PM IST
தொலைக்காட்சி தொகுப்பாளராக இருந்து தற்போது தமிழ் சினிமாவின் முன்னணி நட்சத்திரமாக உயர்ந்து நிற்பவர் சிவகார்த்திகேயன்.கடைசியாக பி.எஸ்.மித்ரன் இயக்கத்தில் வெளியான ஹீரோ படத்தில் நடித்திருந்தார்.இதனை தொடர்ந்து இன்று நேற்று நாளை இயக்குனர் ரவிகுமாருடன் அயலான்,கோலமாவு கோகிலா இயக்குனர் நெல்சன் திலீப்குமாருடன் டாக்டர் உள்ளிட்ட படங்களில் நடித்துள்ளார்.
இதில் டாக்டர் படத்தின் ரிலீஸ் கொரோனாவால் தள்ளிப்போயுள்ளது.அயலான் படத்தின் போஸ்ட் புரொடக்ஷன் வேலைகள் நடைபெற்று வருகின்றன.இவற்றை அடுத்து இவர் நடிக்கும் அடுத்த படத்தை லைகா ப்ரொடக்ஷன்ஸ் மற்றும் சிவகார்த்திகேயன் ப்ரொடக்ஷன்ஸ் இணைந்து தயாரிக்கின்றனர்.இந்த படத்தை அறிமுக இயக்குனர் சிபி சக்ரவர்த்தி இயக்குகிறார்.
அனிருத் இந்த படத்திற்கு இசையமைக்கிறார்.இந்த படத்திற்கு டான் என்று படக்குழுவினர் பெயரிட்டுள்ளனர்.இந்த படத்தில் ஹீரோயினாக டாக்டர் படத்தில் சிவகார்த்திகேயனுக்கு ஜோடியாக நடித்த பிரியங்கா மோகன் நடிக்கிறார்.எஸ்.ஜே.சூர்யா,சமுத்திரக்கனி,சூரி,முனீஸ்காந்த்,காளி வெங்கட்,பாலா சரவணன்,RJ விஜய்,சிவாங்கி உள்ளிட்டோர் முக்கிய வேடங்களில் நடிக்கின்றனர்.
இந்த படத்தில் சிறப்பு தோற்றத்தில் இயக்குனர் கெளதம் மேனன் நடித்துள்ளார்.இந்த படத்தின் டப்பிங் சில நாட்களுக்கு முன் தொடங்கியது,தற்போது இந்த படத்தின் டப்பிங்கை சிவாங்கி தொடங்கியுள்ளார் என்பதை தனது இன்ஸ்டாகிராம் ஸ்டோரியாக பகிர்ந்துள்ளார்.விறுவிறுப்பாக நடைபெற்று வரும் இந்த டப்பிங் விரைவில் முடிவடையும் என்று எதிர்பார்க்கப்படுகிறது.