மை டியர் பூதம் பட கலக்கலான பாடல் ப்ரோமோ!
By Anand S | Galatta | December 14, 2021 19:12 PM IST
இந்திய சினிமாவின் முன்னணி நடன இயக்குனரான பின்பு தேவா, இயக்குனர், நடிகர் என பன்முகத்தன்மை கொண்ட கலைஞராக தொடர்ந்து மக்களை மகிழ்வித்து வருகிறார். முன்னதாக அதிரடி ஆக்ஷன் கதாபாத்திரத்தில் பிரபுதேவா நடித்துள்ள தேள் திரைப்படம் விரைவில் ரிலீசாக உள்ளது.
மேலும் இயக்குனர் ஆதிக் ரவிச்சந்திரன் இயக்கத்தில் பல வித்தியாசமான கெட்டப்புகளில் பிரபு தேவா நடித்துள்ள சைக்கோ த்ரில்லர் திரைப்படமாக உருவாகியிருக்கும் பஹீரா, இயக்குனர் சந்தோஷ்.பி.ஜெயக்குமார் இயக்கத்தில் மாற்று திறனாளியாக மிரட்டலான கதாபாத்திரத்தில் பிரபுதேவா நடித்த பொய்க்கால் குதிரை ஆகிய படங்களும் அடுத்தடுத்து வெளிவர தயாராகி வருகின்றன.
தொடர்ந்து அபிஷேக் பிலிம்ஸ் தயாரிப்பில் டான் சாண்டி இயக்கத்தில் பிரபுதேவா & ரெஜினா கெஸன்ட்ரா இணைந்து நடிக்கும் ஃபிளாஷ்பேக் திரைப்படமும் தயாராகி வரும் நிலையில் மீண்டும் அபிஷேக் பிலிம்ஸ் தயாரிப்பில் பிரபுதேவா நடித்துள்ள திரைப்படம் மை டியர் பூதம். இத்திரைப்படத்தை N.ராகவன் எழுதி இயக்கியுள்ளார்.
வித்தியாசமான கதாப்பாத்திரத்தில் பிரபு தேவாவும் கதாநாயகியாக ரம்யா நம்பீசனும் இணைந்து நடிக்க, ஃபேண்டசி காமெடி திரைப்படமாக உருவாகியிருக்கும் மை டியர் பூதம் படத்திற்கு D.இமான் இசையமைக்க U.K.செந்தில்குமார் ஒளிப்பதிவு செய்துள்ளார். இந்நிலையில் மை டியர் பூதம் படத்தின் மாஸ்டர் ஓ மை மாஸ்டர் பாடலின் கலக்கலான ப்ரோமோ வெளியானது. வரும் டிசம்பர் 16ஆம் தேதி வெளியாகவுள்ள மாஸ்டர் ஓ மை மாஸ்டர் பாடலின் ப்ரோமோ இதோ...
Catch the foot-tapping #MasterOhMyMaster song promo from @PDdancing 's fantasy tale #MyDearBootham 🧞 @immancomposer musical 🎵 @Abhishek_films_ @naviin2050 @nambessan_ramya @actorashwanth @samyuktha_shan @uksrr @Sanlokesh @onlyartmohan @editordeva85 @YugabhaarathiYb pic.twitter.com/oYPDXwAjHH
— Think Music (@thinkmusicindia) December 14, 2021
Ajith Kumar's Valimai gets a new BIG release announcement - Breaking! Check out!
17/12/2021 08:15 PM