தமிழ் சினிமாவின் முன்னணி இயக்குனர்களில் ஒருவர் மணிரத்னம்.தனது படங்கள் மூலம் இந்திய சினிமாவை திரும்பிப்பார்க்க வைக்கும் இவருக்கு ஏராளமான ரசிகர்கள் உள்ளனர்.இவரது இயக்கத்தில் கடைசியாக வெளிவந்த செக்க சிவந்த வானம் படம் நல்ல வரவேற்பை பெற்றிருந்தது.இதனை தொடர்ந்து தனது கனவு படமான பொன்னியின் செல்வன் படத்தினை இயக்கி வருகிறார் மணி ரத்னம்.

இயக்குனர் மணிரத்னத்தின் மெட்ராஸ் டாக்கீஸ் மற்றும் லைகா புரொடக்ஷன்ஸ் நிறுவனங்கள் இணைந்து இந்த படத்தை தயாரிக்கின்றனர்.இசைப்புயல் ஏ.ஆர்.ரஹ்மான் இந்த படத்திற்கு இசையமைக்கிறார்.இந்த படம் இரண்டு பாகங்களாக வெளியாகும் என்று அறிவிக்கப்பட்டுள்ளது.பல முன்னணி தொழில்நுட்ப கலைஞர்களுடன் இந்த படம் உருவாகி வருகிறது.

சீயான் விக்ரம்,கார்த்தி, ஜெயம் ரவி, ஐஸ்வர்யா ராய், த்ரிஷா, பிரகாஷ்ராஜ்,சரத்குமார்,பார்த்திபன்,ஜெயராம், ஐஸ்வர்யா லக்ஷ்மி என பல முன்னணி நட்சத்திரங்கள் இணைந்து இந்த படத்தில் நடித்துள்ளனர்.இந்த படத்தின் படப்பிடிப்பு சில மாதங்களுக்கு முன் நிறைவடைந்தது.இந்த படம் இரண்டு பாகங்களாக வெளியாகவுள்ள இந்த படத்தின் முதல் பாகம் 2022-ல் வெளியாகும் என்றும் படக்குழுவினர் அறிவித்திருந்தனர்.

தற்போது இந்த படம் வரும் செப்டம்பர் 30ஆம் தேதி 2022-ல் பன் மொழிகளில் பிரம்மாண்டமாக வெளியாகும் என்று அறிவிக்கப்பட்டுள்ளது.இவற்றுடன் இந்த படத்தில் விக்ரம்,ஜெயம் ரவி,கார்த்தி,த்ரிஷா,ஐஸ்வர்யா ராய் உள்ளிட்டோரின் பர்ஸ்ட்லுக் போஸ்டர்களையும் படக்குழுவினர் வெளியிட்டுள்ளனர்.இந்த போஸ்டர்கள் ரசிகர்களிடம் நல்ல வரவேற்பை பெற்று வருகின்றன.