XB பிலிம்ஸ் தயாரிப்பில் லோகேஷ் கனகராஜ் இயக்கத்தில் தளபதி விஜய் மற்றும் மக்கள் செல்வன் விஜய் சேதுபதி நடிப்பில் உருவாகியுள்ள திரைப்படம் மாஸ்டர். ஏப்ரல் 9-ம் தேதி வெளியாகவிருந்த இந்த படம் கொரோனா காரணமாக தள்ளிப்போனது. இதனால் மிகுந்த சோகத்தில் உள்ளனர் தளபதி ரசிகர்கள். இப்படத்தில், மாளவிகா மோகனன், ஸ்ரீமன், சாந்தனு, அர்ஜுன் தாஸ், சஞ்சீவ், ஸ்ரீநாத், நாகேந்திர பிரசாத், ரமேஷ் திலக் ஆகியோர் பலர் நடிக்கின்றனர். 

thalapathy Vijay

அனிருத் இசையமைப்பில் வெளியான பாடல்கள் அனைத்தும் பட்டையை கிளப்பி வருகிறது. கொரோனா பாதிப்பு காரணமாக ஊரடங்கு நேரத்தில் மக்கள் அனைவரும் அவர்களது வீட்டிலேயே பாதுகாப்பாக முடங்கியுள்ளனர். டிக்டாக் செய்வது, நடனம், பாடல் என ரிலாக்ஸ் செய்து வருகின்றனர். மாஸ்டர் படத்தில் இடம்பெற்ற வாத்தி கம்மிங் பாடலுக்கு பலர் நடனமாடி வீடியோ வெளியிட்டு வருகின்றனர். 

Anirudh

ரசிகர்கள் தவிர்த்து திரைப்பிரபலங்களும் நடனமாடி வருகின்றனர். இந்நிலையில் ஒன்றரை வயது குழந்தை வாத்தி கம்மிங் பாடலுக்கு நடனமாடி உள்ளது. இந்த வீடியோ இணையத்தில் வைரலாகி வருகிறது. குறிப்பாக அனிருத் வரும் காட்சிகளுக்கு ஏற்றார் போல் குழந்தை ஆடுகிறது என குழந்தையின் பெற்றோர் குறிப்பிட்டுள்ளனர்.