கதைதேர்வில் எப்போதும் வித்தியாசம் காட்டும் நடிகர்களில் ஒருவர் கார்த்தி.ரெமோ பட இயக்குனர் பாக்கியராஜ் கண்ணன் இயக்கத்தில் இவர் நடிப்பில் வெளியான சுல்தான் திரைப்படம் திரையரங்குகளில் வெளியாகி நல்ல வரவேற்பை பெற்றிருந்தது.

இதனை தொடர்ந்து இவர் மணி ரத்னம் இயக்கத்தில் பொன்னியின் செல்வன்,முத்தையா இயக்கத்தில் விருமன் உள்ளிட்ட படங்களில் நடித்து முடித்துள்ளார் கார்த்தி.இந்த படங்கள் விரைவில் வெளியாகவுள்ள.சர்தார் படத்தின் ஷூட்டிங்கில் விறுவிறுப்பாக கலந்துகொண்டு வருகிறார் கார்த்தி.

விருமன் படத்தினை 2D எண்டெர்டைன்மெண்ட்ஸ் நிறுவனம் தயாரித்துள்ளனர்.இயக்குனர் ஷங்கரின் மகள் அதிதி ஷங்கர் இந்த படத்தில் ஹீரோயினாக அறிமுகமாகிறார்.யுவன் ஷங்கர் ராஜா இந்த படத்திற்கு இசையமைத்து வருகிறார்.கொம்பன் படத்தினை அடுத்து இயக்குனர் முத்தையாவுடன் இணைந்துள்ளார் கார்த்தி.

இந்த படத்தின் முதல் பாடல் வெளியாகி ரசிகர்களிடம் செம ஹிட் அடித்து வருகிறது.இந்த படம் ஆகஸ்ட் 31 அன்று வெளியாகும் என்று அறிவிக்கப்பட்டிருந்தது.தற்போது சில காரணங்களால் இந்த படத்தின் ரிலீஸ் திட்டமிட்டதை விட முன்னதாக வெளிவரவிருக்கிறது.இந்த படம் வரும் ஆகஸ்ட் 12ஆம் தேதி ரிலீசாகும் என்ற அதிகாரப்பூர்வ அறிவிப்பை படக்குழுவினர் வெளியிட்டுள்ளனர்.வெகுவிரைவில் படம் ரிலீசாவதால் அடுத்தடுத்து அப்டேட்கள் வெளிவரும் என்று தெரிகிறது.