டூ டூ டூ பாடலுக்கு நடனமாடிய இயக்குனர் விக்னேஷ் சிவன் ! வீடியோ இதோ
By Aravind Selvam | Galatta | April 30, 2022 13:43 PM IST
மக்கள் செல்வன் விஜய்சேதுபதி நடிப்பில் உருவாகி வரும் படம் காத்துவாக்குல ரெண்டு காதல்.நானும் ரௌடி தான் பட இயக்குனர் விக்னேஷ் சிவன் இந்த படத்தினை இயக்கியுள்ளார்.7 ஸ்க்ரீன் ஸ்டுடியோஸ் மற்றும் ரௌடி பிக்சர்ஸ் இணைந்து இந்த படத்தினை தயாரித்துள்ளனர்.
நயன்தாரா மற்றும் சமந்தா இந்த படத்தில் ஹீரோயின்களாக நடித்துள்ளனர்.பிரபு,ஸ்ரீசாந்த்,ரெடின் கிங்ஸ்லி என பல நட்சத்திரங்கள் இந்த படத்தில் முக்கிய வேடத்தில் நடித்துள்ளனர்.அனிருத் இந்த படத்திற்கு இசையமைத்துள்ளார்.இது அனிருத்தின் 25ஆவது படம் என்பது குறிப்பிடத்தக்கது.
இந்த படத்தின் தமிழ்நாடு திரையரங்க உரிமையை ரெட் ஜெயண்ட் மூவிஸ் கைப்பற்றியுள்ளனர்.இந்த படம் ஏப்ரல் 28ஆம் தேதி திரையரங்குகளில் வெளியாகி கலவையான வரவேற்பை ரசிகர்களிடமும் விமர்சகர்களிடமும் பெற்று வருகிறது.
ரசிகர்கள் பல இடங்களில் இந்த படத்தினை ஜாலியாக கொண்டாடி வருகின்றனர்.ஒரு ஸ்பெஷல் ஷோவில் ரசிகர்களுடன் படம் பார்த்த விக்னேஷ் சிவன்.டூ டூ டூ பாடலுக்கு ஜாலியாக அவர்களுடன் சில ஸ்டெப்களை போட்டுள்ளார்.இந்த வீடியோ ரசிகர்கள் மத்தியில் வைரலாகி வருகிறது.