ஜானு படத்தின் அனந்தம் பாடல் வெளியானது !
By Sakthi Priyan | Galatta | February 06, 2020 16:16 PM IST
இயக்குனர் பிரேம் குமார் இயக்கத்தில் விஜய் சேதுபதி மற்றும் த்ரிஷா நடித்து வெளிவந்த படம் 96. பள்ளி பருவ காதல், நட்பை வைத்து அழகாக மக்கள் மனதை வருடியது இப்படம். ராம் என்ற கதாபாத்திரத்தில் தோன்றும் விஜய் சேதுபதி, ஜானு என்ற கதாபாத்திரத்தில் தோன்றும் த்ரிஷா அந்த கேரக்டராகவே வாழ்ந்து நமது பள்ளி பருவத்தை நினைவு படுத்தியிருப்பார்கள். மேலும் இசையமைப்பாளர் கோவிந்த் வசந்தா பின்னணி இசை நம் செவிகளைத்தாண்டி ஆழ் மனதை தொடும் வகையில் அமைந்தது.
தெலுங்கில் ரீமேக்காகும் இந்த படத்தில் ஷர்வானந்த் மற்றும் சமந்தா நடிக்கின்றனர். தெலுங்கு ரீமேக்கில் சிறு வயது ஜானு பாத்திரத்தில் கௌரி கிஷன் நடிக்கிறார். இப்படத்தின் படப்பிடிப்பு முழுவதும் முடிவடைந்து போஸ்ட் ப்ரோடஷன்ஸ் பணிகள் நடைபெற்று வருகிறது.
படத்தின் ட்ரைலர் மற்றும் ப்ரோமோ விடியோக்கள் வெளியாகி ஈர்த்து வருகிறது. தற்போது படத்திலிருந்து அனந்தம் பாடல் வெளியானது. சின்மயி மற்றும் கோவிந்த் வசந்தா பாடிய இந்த பாடல் வரிகளை ஸ்ரீ மணி எழுதியுள்ளார்.