தள்ளிப் போகாதே திரைப்படத்தின் ட்ரைலர் அப்டேட் !
By Sakthi Priyan | Galatta | October 07, 2020 18:39 PM IST
அதர்வா நடிப்பில் இயக்குனர் ஆர்.கண்ணன் இயக்கத்தில் உருவாகியுள்ள படம் தள்ளி போகாதே. தெலுங்கில் வெளியாகி ஹிட்டான நின்னு கோரி படத்தின் தமிழ் ரீமேக்காகும். அதர்வாவிற்கு ஜோடியாக அனுபமா பரமேஸ்வரன் நடித்துள்ளார். இவர் ப்ரேமம் மலையாளம் படம் மூலம் பிரபலமானவர். அதன் பின்னர் தனுஷ் ஜோடியாக கொடி படத்தில் நடித்தார். மேலும் முக்கிய ரோலில் அமிதாஷ் பிரதான் நடித்துள்ளார்.
மசாலா பிக்ஸ் மற்றும் எம்.கே.ஆர்.பி புரொடக்ஷன்ஸ் இணைந்து தயாரிக்கும் இப்படத்திற்கு ஷண்முக சுந்தரம் காட்சிகள் அமைத்துள்ளார். கபிலன் வைரமுத்து வசனம் எழுதியுள்ளார். கோபி சுந்தர் இசையமைக்கும் இந்த படத்திற்கு எடிட்டர் ஆர்கே செல்வா எடிட்டிங் செய்கிறார். இப்படத்தின் ஃபர்ஸ்ட் லுக் ஏற்கனவே வெளியாகி திரை விரும்பிகளை ஈர்த்தது. இளைஞர்கள் விரும்பும் காதல் காவியமாக இப்படம் அமையும் என்று எதிர்பார்க்கப்படுகிறது.
அஜர்பைஜான் நாட்டில் ஜிசி என்ற சிகரத்தின் மீது 70 அடி உயரத்திற்கு மலையேற்றம் செய்து இந்த படத்தின் சில காட்சிகளை படமாக்கினார்களாம். அதர்வா முரளி தற்போது மூன்று படங்களில் கமிட் ஆகியுள்ளார். தள்ளிப் போகாதே தவிர்த்து, ஒத்தைக்கு ஒத்த படத்தில் நடித்து முடித்துவிட்டார். குருதி ஆட்டம் படமும், ருக்மணி வண்டி வருது போன்ற படங்களும் அதர்வா கைவசம் உள்ளது.
இந்நிலையில் படத்தின் ட்ரைலர் வரும் அக்டோபர் 9-ம் தேதி காலை 11 மணியளவில் வெளியாகவுள்ளது. ராக்ஸ்டார் அனிருத் இந்த படத்தின் ட்ரைலரை வெளியிடுகிறார். இந்த படத்தை தொடர்ந்து சந்தானம் நடித்த பிஸ்கோத் படத்தை இயக்கியுள்ளார் கண்ணன். ரதன் இசையமைக்கும் இந்த படத்திற்கு சண்முக சுந்தரம் ஒளிப்பதிவு செய்கிறார். ட்ரைடென்ட் ஆர்ட்ஸ் இந்த படத்தை வெளியிடுகிறது.
ரொமான்டிக் கலந்த காமெடி ஜானரில் உருவாகியுள்ள இந்த படத்தின் ட்ரைலர் சமீபத்தில் வெளியானது. ஆனந்தராஜ், ஜீவா, மொட்டை ராஜேந்திரன், மனோகர் ஆகியோர் நடித்துள்ளனர். இந்த படத்தில் 18-ம் நூற்றாண்டில் வாழந்த அரசனாக சந்தானம் நடிக்கிறார் என்று இயக்குனர் கூறியிருந்தார். கிட்டதட்ட 30 நிமிடம் இந்த காட்சிகள் இடம் பெற்றுள்ளது என விவரித்துள்ளார். இந்த படத்தின் ஆடியோ உரிமையை திங்க் மியூசிக் நிறுவனம் கைபற்றியுள்ளது.
New update on Keerthy Suresh's next romantic film - check out!
07/10/2020 06:30 PM
18+ Only: Irandam Kuththu Official Teaser | Iruttu Araiyil Murattu Kuthu 2
07/10/2020 05:17 PM