தமிழ் திரையுலகில் தன்னிகரில்லா நாயகர்களில் ஒருவர் அஜித் இவருக்கென ஒரு பெரிய ரசிகர் பட்டாளமே உள்ளது. இவர் நடிப்பில் கடைசியாக வலிமை படம் பிப்ரவரி 24ஆம் தேதி திரையரங்குகளில் வெளியாகி நல்ல வரவேற்பை பெற்று வருகிறது.இந்த படத்தினை போனி கபூர் தயாரித்திருந்தார்,எச் வினோத் இந்த படத்தினை இயக்கியிருந்தார்.

இதனை தொடர்ந்து மீண்டும் போனி கபூர் தயாரிப்பில் எச் வினோத் இயக்கத்தில் உருவாகும் துணிவு படத்தில் நடித்து வருகிறார் அஜித்.இதனை அடுத்து முன்னணி தயாரிப்பு நிறுவனங்களில் ஒன்றான லைகா புரொடக்ஷன்ஸ் தயாரிக்கும் AK 62 படத்தில் நடிக்கவுள்ளார்.விக்னேஷ் சிவன் இயக்கவுள்ள இந்த படத்திற்கு அனிருத் இசையமைக்கிறார்.

துணிவு படத்தின் ஷூட்டிங் ஹைதராபாத்,சென்னை உள்ளிட்ட பகுதிகளில் தொடங்கி விறுவிறுப்பாக நடைபெற்று வந்தது.வினோத் இயக்கத்தில் தயாராகி வரும் இந்த படத்தில் ராஜதந்திரம் வீரா,சமுத்திரக்கனி உள்ளிட்ட பல நடிகர்கள் முக்கிய வேடங்களில் நடிக்கின்றனர்.மஞ்சு வாரியார் இந்த படத்தில் ஹீரோயினாக நடிக்கிறார்.ஜிப்ரான் இந்த படத்திற்கு இசையமைக்கிறார்.

இந்த படத்தின் டைட்டில் மற்றும் பர்ஸ்ட்லுக் சமீபத்தில் வெளியிடப்பட்டு பெரிய வரவேற்பை பெற்றிருந்தது.இந்த படத்தின் இறுதிக்கட்ட படப்பிடிப்பு பாங்காக்கில் விறுவிறுப்பாக நடைபெற்று வந்தது.இந்த படப்பிடிப்பு நிறைவடைந்துள்ளதாக தகவல் வெளியாகியுள்ளது ஆனால் இதுகுறித்த அதிகாரப்பூர்வ அறிவிப்பு இன்னும் வெளியாகவில்லை.தற்போது இந்த படத்தின் ஷூட்டிங் ஸ்பாட் புகைப்படம் ஒன்று வெளியாகி வைரலாகி வருகிறது.நாயகி மஞ்சு வாரியர் உடன் பிக்பாஸ் அமீர் இருக்கும் இந்த புகைப்படம் வெளியாகி ட்ரெண்ட் அடித்து வருகிறது.

ajith kumar thunivu bangkok shooting spot manju warrier bigg boss amir photo