வானம் கொட்டட்டும் படத்தின் இரண்டாம் பாடல் அப்டேட் !
By Sakthi Priyan | Galatta | November 18, 2019 12:53 PM IST
தமிழ் சினிமாவின் சிறந்த இயக்குனராய் மக்கள் மனதில் பல ஆண்டுகள் நீங்கா இடம்பிடித்தவர் மணிரத்னம். இவரது இயக்கத்தில் கடந்த ஆண்டு வெளியான படம் செக்கச் சிவந்த வானம். தற்போது பொன்னியின் செல்வன் படத்தை இயக்குவதில் பிஸியாக இருக்கிறார்.
இயக்கம் அல்லாது தயாரிப்பு பணிகளிலும் கவனம் செலுத்தி வருகிறார் மணிரத்னம். மெட்ராஸ் டாக்கீஸ் தயாரிக்கும் அடுத்த படம் வானம் கொட்டட்டும். இந்த படத்தை தனா இயக்கிவருகிறார். விக்ரம் பிரபு, ஐஸ்வர்யா ராஜேஷ், மடோனா, ராதிகா, சரத்குமார், ஷாந்தனு, அமிதாஷ் பிரதன், பாலாஜி சக்திவேல் ஆகியோர் நடித்து வருகின்றனர்.
சித் ஸ்ரீராம் இசையமைக்கும் இந்த படத்தின் கண்ணு தங்கம் பாடல் சமீபத்தில் வெளியானது. இதைத்தொடர்ந்து இரண்டாம் பாடல் "ஈசி கம் ஈசி கோ" 20-ம் தேதி வெளியாகவுள்ளது. இந்த பாடலை நடிகர் கார்த்தி வெளியிடுகிறார்.