இறுதிசுற்று படத்தின் இயக்குனர் சுதா கொங்கரா இயக்கத்தில் நடிகர் சூர்யா நடித்துவரும் படம் சூரரைப் போற்று. இந்த படத்திற்கு இசையமைப்பாளர் மற்றும் நடிகரான ஜி.வி.பிரகாஷ் இசையமைக்கவுள்ளார். இந்த படத்தில் ஆஸ்கார் விருது பெற்ற குனிட் மோங்கா துணை தயாரிப்பாளராக பணிபுரிகிறார்.

sooraraipottru

நடிகை அபர்ணா பாலமுரளி கதாநாயகியாக நடிக்க அவருடன் கருணாஸ், மோகன் பாபு, காளி வெங்கட் உள்ளிட்ட பலர் முக்கிய கதாபாத்திரத்தில் நடித்துள்ளனர். ஓய்வு பெற்ற ராணுவ தளபதி ஏர் டெக்கான் கோபிநாத் வாழ்க்கையை மையப்படுத்தி இப்படம் உருவாகி உள்ளதாக கூறப்படுகிறது. 

gvprakashkumar

சூரரைப் போற்று திரைப்படத்தின் டீஸர் வரும் பொங்கல் 2020-ல் வெளியாகும் என்ற தகவல் சமீபத்தில் தெரியவந்தது. படத்தில் நடிகர் சூர்யா மாறா தீம் பாடலுக்கு ராப் பகுதி பாடியுள்ளார் என்பது சமீபத்தில் தெரியவந்தது. படம் குறித்த அப்டேட்டுகள் ஜனவரி முதல் வாரம் வெளியாகும் என்று பதிவு செய்துள்ளார் இசையமைப்பாளர் ஜி.வி. பிரகாஷ்குமார்.