இணையவாசிகளை கவரும் கமனம் திரைப்படத்தின் ஃபர்ஸ்ட் லுக் போஸ்டர் !
By Sakthi Priyan | Galatta | September 11, 2020 09:35 AM IST
கடந்த 2005-ம் ஆண்டு வெளியான மழை திரைப்படத்தின் மூலம் ஹீரோயினாக அறிமுகமானவர் நடிகை ஸ்ரேயா. அதன் பின் ரஜினிகாந்த் நடித்த சிவாஜி, தளபதி விஜய்யுடன் அழகிய தமிழ் மகன் என ஹிட் படங்களில் நடித்தார் ஸ்ரேயா. தமிழ் மட்டுமல்லாது தெலுங்கு, ஹிந்தி என பல்வேறு மொழிகளில் கலக்கியவர். ரஷ்ய நாட்டைச் சேர்ந்த ஆன்ட்ரேய் கொஸ்சேவ் என்பவரை திருமணம் செய்தது அனைவரும் அறிந்ததே. நடிகை ஸ்ரேயா நடிப்பில் நரகாசூரன், சண்டக்காரி உள்ளிட்ட படங்கள் வெளிவரவிருக்கிறது.
கொரோனா காரணமாக அறிவிக்கப்பட்ட ஊரடங்கில் தனது கனவருடன் வீடியோ வெளியிடுவது, தொடர்ந்து போட்டோஷூட்கள் செய்வது என பிஸியாக இருந்தார் ஸ்ரேயா. தற்போது ஸ்ரேயா சரண் நடிப்பில் உருவாகும் கமனம் படத்தின் பர்ஸ்ட் லுக் போஸ்டர் வெளியானது. கிட்டத்தட்ட 20 ஆண்டுகளாக சினிமாவுலகில் வசீகர முகத்தாலும், காந்த பார்வை கொண்ட கண்களாலும், தனித்துவமிக்க நடிப்பாலும் முன்னனி நடிகையாக திகழ்ந்து வந்த நடிகை ஸ்ரேயா சரண் சிறிய இடைவெளிக்கு பின் மீண்டும் தனது திரையுலக பயணத்தை தொடங்கிவிட்டார்.
இயக்குனர் சுஜனா ராவ் இயக்கத்தில் உருவாகும் கமனம் படத்தில் நடிகை ஸ்ரேயா சரண் நாயகியாக நடித்துள்ளார். நிஜ வாழ்வின் எதார்த்தங்களும் நிகழ்வுகளும் கொண்ட கதையாக கமனம் படம் உருவாகுகிறது. தமிழ், தெலுங்கு, ஹிந்தி, மலையாளம், கன்னடம் என பல்வேறு மொழிகளில் இப்படம் தயாராகிறது.
நடிகை ஸ்ரேயா சரணை தனது படங்களில் முக்கிய கதாபாத்திரத்தில் நடிக்கவைத்த பிரபல இயக்குனர் கிரிஷ் கமனம் படத்தின் முதல் பார்வை போஸ்டரை நடிகை ஸ்ரேயா சரணின் பிறந்த நாளான இன்று வெளியிட்டார். இசைஞானி இளையராஜா இசையமைக்க, பிரபல எழுத்தாளர் சாய் மாதவ் புர்ரா வசனங்களை எழுதியுள்ளார்.
ஞான சேகர் V.S இப்படத்தின் ஒளிப்பதிவை மேற்கொள்வதோடு மட்டுமில்லாமல் ரமேஷ் கருதூரி மற்றும் வெங்கி புஷதபு ஆகியோருடன் இணைந்து இப்படத்தை பிரம்மாண்டமாக தயாரித்துள்ளார். கமனம் படத்தின் முழு படப்பிடிப்பு முடிந்துவிட்ட நிலையில் இறுதிக்கட்ட பணிகள் துரிதமாக நடைபெற்று வருகிறது. இந்த படத்தில் நடித்துள்ள மற்ற நடிகர்கள் விவரம் விரைவில் அறிவிக்கப்படும் என்று எதிர்பார்க்கப்படுகிறது. கமனம் படக்குழுவினருக்கும், நடிகை ஸ்ரேயாவிற்கும் வாழ்த்துக்களை தெரிவிப்பதில் பெருமை கொள்கிறது நம் கலாட்டா.
Jayam Ravi's latest emotional statement - important promise to his fans!
11/09/2020 09:35 AM
Dhanush, Prasanna, Harish Kalyan and others mourn the death of Vadivel Balaji!
11/09/2020 08:32 AM
Ritika Singh's strong funny response to comments about pimples on her face
10/09/2020 06:30 PM
This critically acclaimed director joins Mani Ratnam's Ponniyin Selvan!
10/09/2020 06:18 PM