இணையத்தை ஈர்க்கும் சமந்தாவின் உடற்பயிற்சி வீடியோ !
By Sakthi Priyan | Galatta | August 05, 2020 19:48 PM IST
தென்னிந்திய திரையுலகின் சிறந்த நடிகைகளில் ஒருவர் சமந்தா. கடைசியாக தியாகராஜா குமாரராஜா இயக்கிய சூப்பர் டீலக்ஸ் படத்தில் நடித்தார். பிரேம்குமார் இயக்கத்தில் 96 தெலுங்கு ரீமேக்கான ஜானு திரைப்படத்தில் நடித்தார். தமிழ் மொழி படங்கள் மட்டுமின்றி தெலுங்கு சினிமாவிலும் ரசிகர்களை ஈர்த்துள்ளார்.
கொரோனா காரணமாக அறிவிக்கப்பட்ட ஊரடங்கால் வீட்டிலேயே பாதுகாப்பாக முடங்கியுள்ள சமந்தா உடற்பயிற்சி, யோகா, சமையல் மற்றும் தோட்டக்கலை போன்றவற்றில் ஆர்வம் காட்டி வருகிறார். லாக்டவுனில் ரசிகர்களின் பதிவை கவனிப்பது என சமூக வலைதளங்களில் ஆக்டிவாக இருந்து வருகிறார். கடைசியாக வீட்டில் இருந்தபடி விவசாயம் செய்வதெப்படி என்ற டிப்ஸை தனது இன்ஸ்டாகிராம் பக்கத்தில் வழங்கினார் சமந்தா.
சமீபத்தில் வீட்டில் இருக்கும் செல்ல நாய்க்குட்டிகளுடன் சமந்தா விளையாடும் வீடியோ ஒன்று வெளியாகி வைரலானது. இந்நிலையில் நடிகை சமந்தா தனது இன்ஸ்டாகிராம் ஸ்டோரியில் ஒரு மீமை பகிர்ந்துள்ளார். அவர் யோகா செய்து வெளியிட்ட புகைப்படத்தை வைத்து, ஸ்பைடர்மேனுக்கு பதிலாக வடிவமைக்கப்பட்ட மீமை பகிர்ந்துள்ளார். மற்றவர்களை பார்த்து சிரிக்கும் பொழுது, நம்மை பார்த்தும் சிரித்துகொள்ள தெரிய வேண்டும் என குறிப்பிட்டுள்ளார். அண்மையில் தலைகீழாக நின்றபடி சமந்தா வெளியிட்டு வரும் யோகா போஸ் புகைப்படங்களும் இணையத்தை ஈர்த்தது குறிப்பிடத்தக்கது.
அதனைத்தொடர்ந்து மாமனார் நாகர்ஜுனாவுடன் சேர்ந்து மரக்கன்றுகளை நாட்டார். சமந்தா செய்த இந்த காரியம் பிற திரைப்பிரபலங்களையும் ஈர்த்தது. சமந்தாவின் ரசிகர்களும் இதை பின்பற்றினர். இந்நிலையில் ஜிம்மில் உடற்பயிற்சி வீடியோவை தனது இன்ஸ்டாகிராம் ஸ்டோரியில் குறிப்பிட்டுள்ளார் சமந்தா. இந்த வீடியோ ரசிகர்களை ஈர்த்து வருகிறது. ஹீரோயின்களுக்கு ஃபிட்னஸ் எவ்வளவு அவசியம் என்பதை இந்த வீடியோ உணர்த்துகிறது. திரைத்துறையில் நுழையும் போது பப்லியாக இருந்த சமந்தா, நான் ஈ படத்திற்கு பிறகு ஸ்லிம் ஆனார். அதன் பிறகு வந்த படங்கள் முழுவதும் ஃபிட்டாக இருந்தது குறிப்பிடத்தக்கது.
நடிகை சமந்தா அடுத்ததாக விக்னேஷ் சிவன் இயக்கத்தில் காத்துவாக்குல ரெண்டு காதல் திரைப்படத்தில் நடிக்கவுள்ளார். மக்கள் செல்வன் விஜய் சேதுபதி மற்றும் நயன்தாராவும் நடிக்கவுள்ளனர். லாக்டவுன் முடிந்த பிறகு இந்த படத்தின் படப்பிடிப்பு துவங்கும் என எதிர்பார்க்கப்படுகிறது.
This Kamal Haasan film to get a sequel? Official Clarification here!
05/08/2020 07:06 PM
Interesting new rule for Bigg Boss season 4 contestants
05/08/2020 07:05 PM
Nayanthara's blockbuster film to be remade - know who is going to play the lead?
05/08/2020 06:00 PM
SHOCKING: Khushbu receives rape threat - Khushbu releases proof of the man
05/08/2020 05:44 PM