ஆஸ்துமா பிரச்சனை குறித்து காஜல் அகர்வால் செய்த பதிவு !
By Sakthi Priyan | Galatta | February 10, 2021 09:47 AM IST
தமிழ், தெலுங்கு திரையுலகின் முன்னணி நடிகைகளில் ஒருவராக இருப்பவர் காஜல் அகர்வால். அவ்வப்போது இந்தி படங்களிலும் நடிக்கிறார். இந்நிலையில் தனக்கு இருக்கும் பிரச்சனை குறித்து முதல்முறையாக மனம் திறந்துள்ளார் காஜல். இது குறித்து அவர் இன்ஸ்டாகிராமில் கூறியிருப்பதாவது, எனக்கு 5 வயது இருக்கும்போது ஆஸ்துமா இருப்பது தெரிய வந்தது. அதன் பிறகு உணவுக் கட்டுப்பாடு விதித்தது நினைவிருக்கிறது.
ஒரு குழந்தை டெய்ரி தயாரிப்புகள், சாக்லேட் சாப்பிடக் கூடாது என்றால் பாவம் தானே. நான் வளர்ந்த பிறகு அந்த பிரச்சனை சரியாகிவிடவில்லை. பயணம் செய்யும்போது, குளிர் காலத்தில், தூசி, புகை இருந்தால் என் ஆஸ்துமா பிரச்சனை பெரிதாகிவிடும். இது போன்ற விஷயங்களை எதிர்கொள்ள நான் இன்ஹேலர் பயன்படுத்தத் துவங்கினேன். அதன் பிறகு பெரிய மாற்றத்தை கண்டேன்.
எப்பொழுதுமே இன்ஹேலருடன் தான் இருப்பேன். இதனால் என்னை ஒரு மாதிரி பார்ப்பவர்கள் இருக்கிறார்கள். அது எனக்கு பெரிதாக தெரியவில்லை. நம் நாட்டில் பலருக்கு இன்ஹேலர் தேவைப்படுகிறது. ஆனால் அடுத்தவர்களின் ரியாக்ஷனுக்காக இன்ஹேலர் பயன்படுத்தாமல் இருக்கிறார்கள்.
பொது இடத்திலோ, பிரைவேட்டாகவோ இன்ஹேலர் பயன்படுத்த வெட்கப்படத் தேவையில்லை. இதை இந்தியா உணர, நான் இன்ஹேலர்களுக்கு எஸ் சொல்கிறேன் SayYesToInhalers. ஆஸ்துமா குறித்தும், இன்ஹேலர் பயன்பாடு பற்றியும் நாம் விழிப்புணர்வு ஏற்படுத்தலாம். இன்ஹேலர் பற்றி தெரிவிக்க உன்னி முகுந்தன், ஜான் ஆபிரகாம், சிரஞ்சீவி கொனிடெலா ஆகியோரை நான் நாமினேட் செய்கிறேன்.
இதில் கலந்து கொள்ள,
1. உங்களின் வலது கையால் டிக் மார்க் செய்வது போன்று போஸ் கொடுத்த புகைப்படத்தை ஷேர் செய்ய வேண்டும்.
2. ஆதரவு தெரிவிப்பது ஏன் என்று தெரிவிக்க வேண்டும்( விரும்பினால்)
3. உங்களின் நண்பர்கள் 3 பேரை நாமினேட் செய்ய வேண்டும்.
4. breathefreeworld-ஐ டேக் செய்து sayyestoinhalers என்கிற ஹேஷ்டகை பயன்படுத்த வேண்டும் இவ்வாறு காஜல் தெரிவித்துள்ளார்.
முன்னதாக காஜல் கணவர் கவுதம் கிட்ச்லு தன்னுடனும், தன் மெழுகுச் சிலையுடனும் இருக்கும் புகைப்படத்தை வெளியிட்டார். அந்த புகைப்படம் வைரலானது.
காஜல் அகர்வால் நடிப்பில் உருவான லைவ் டெலிகாஸ்ட் வெப் சீரிஸ் டிஸ்னி பிளஸ் ஹாட்ஸ்டாரில் வெளியாகவுள்ளது. வெங்கட் பிரபு இந்த வெப் சீரிஸை இயக்கியுள்ளார். இது தவிர்த்து பிரம்மாண்ட இயக்குனர் ஷங்கர் இயக்கிவரும் இந்தியன் 2 படத்தில் நடித்து வருகிறார். இதன் படப்பிடிப்பு குறித்த தகவல் விரைவில் வெளியாகும் என எதிர்பார்க்கப்படுகிறது.
Suchi makes a BREAKING Decision after Bigg Boss - official statement here!
10/02/2021 10:29 AM
Chithi 2 going to be stopped? Actress Radikaa's important clarification!
09/02/2021 06:27 PM
Title and first look poster of Gautham Menon's next film RELEASED - check out!
09/02/2021 04:21 PM