ராஜேஷ் இயக்கத்தில் வெளியான ஒரு கல் ஒரு கண்ணாடி படத்தின் மூலம் பிரபலமாகியவர் நடிகை மதுமிதா. சந்தானத்தின் ஜோடியாக நடித்து ரசிகர்களை ஈர்த்தார். அந்த படத்தில் உதயநிதி ஸ்டாலின் மற்றும் ஹன்சிகா ஆகியோர் நடித்துள்ளனர். இந்த படத்தில் சந்தானம் மற்றும் மதுமிதா இணைந்து செய்த காமெடிக்கு நல்ல வரவேற்பு கிடைத்தது. இந்த படத்திற்குப் பிறகுதான் அவருக்கு ஜாங்கிரி மதுமிதா என்றே பெயர் வந்தது.

அதற்கு பிறகு திரைப்படங்கள் மற்றும் சீரியல்கள் என நடித்து வந்த அவருக்கு பிக் பாஸ் 3 நிகழ்ச்சியில் போட்டியாளராக கலந்து கொள்ளும் வாய்ப்பு சென்ற வருடம் கிடைத்தது. அதில் அவருக்கு ரசிகர்கள் மத்தியில் நல்ல வரவேற்பும் கிடைத்தது. அதிக வாக்குகளும் கிடைத்தது. ஆனால் ஒரு கட்டத்தில் மற்ற போட்டியாளர்கள் சிலருடன் ஏற்பட்ட பிரச்சினை காரணமாக கையை அறுத்துக் கொண்டு தற்கொலைக்கு முயற்சி செய்தார் மதுமிதா. ரசிகர்களுக்கு மிகப்பெரிய அதிர்ச்சியை ஏற்படுத்தியது இந்த நிகழ்வு. 

அதற்கு பிறகு அவரை நிகழ்ச்சியில் இருந்து வெளியேற்றினார்கள். அதில் இருந்து வெளியே வந்த பிறகு மதுமிதா தன்னுடைய கணவர் உடன் வாழ்ந்து வருகிறார். அவ்வப்போது சில புகைப்படங்களையும் சமூக வலைத்தளங்களில் பதிவிட்டு வருகிறார்.

கொரோனா வைரஸ் பரவ துவங்கிய பிறகு சினிமா துறை முற்றிலும் முடக்கப்பட்டு விட்ட நிலையில், மதுமிதா எந்த ஷுட்டிங்கிலும் கலந்து கொள்ளாமல் தன்னுடைய வீட்டில் இருந்து வந்தார். அந்த நேரத்தை வீணாக்காமல் அவர் பல்வேறு விஷயங்களை கற்று வருகிறார். தான் கார் ஓட்டவும் பைக் ஓட்டவும் கற்றுக் கொண்டதாக கூறி சில வாரங்களுக்கு முன்பு புகைப்படங்கள் மற்றும் வீடியோக்களை மதுமிதா சமூக வலைதளங்களில் வெளியிட்டு ரசிகர்களை ஆச்சர்யப்பட வைத்திருந்தார். 

இதனை தொடர்ந்து தற்போது மதுமிதா சிலம்பம் கற்றுக் கொண்டிருக்கிறார். தமிழர்களின் பாரம்பரிய கலையான சிலம்பாட்டத்தைக் கற்றுக் கொண்டு இருப்பதை பலரும் பாராட்டி இருக்கிறார்கள். மதுமிதா திறமையாக சிலம்பம் சுற்றும் வீடியோ தற்போது ட்விட்டரில் ரசிகர்கள் மத்தியில் அதிகம் வைரல் ஆகி வருகிறது. மேலும் பாண்டியன் மாஸ்டர் தான் தனது குரு என்றும் குறிப்பிட்டுள்ளார் மதுமிதா. 

மதுமிதா அடுத்து சந்தானம் நடித்துள்ள டிக்கிலோனா படத்தில் முக்கிய ரோலில் நடித்து உள்ளார். பல வருடங்கள் கழித்து அவர் சந்தானத்துடன் நடிப்பதால் பெரிய எதிர்பார்ப்பு எழுந்திருக்கிறது. மேலும் டைட்டானிக், விஜய் ஆண்டனியின் தமிழரசன், ஜிவி பிரகாஷ் நடித்துள்ள ஆயிரம் ஜென்மங்கள் போன்ற படங்களில் முக்கிய ரோலில் நடித்துள்ளார் என்பது குறிப்பிடத்தக்கது.