மிஸ்கின் இயக்கத்தில் உதயநிதி ஸ்டாலின் நடிப்பில் உருவாகியுள்ள திரைப்படம் சைக்கோ. விஷால் வைத்து துப்பறிவாளன் 2 படத்தின் இறுதிகட்ட பணிகளில் பணிபுரிந்து வருகிறார் மிஸ்கின். கடந்த ஆண்டு சூப்பர் டீலக்ஸ் படத்தில் நடித்திருந்தார்.

இதில் பார்வையற்றவ இசை கலைஞராக நடிக்கிறார் உதயநிதி. இந்த படத்திற்கு இசைஞானி இளையராஜா இசையமைக்கிறார். இந்த படத்தை டபுள் மீனிங் புரொடக்ஷன் நிறுவனம் தயாரிக்கிறது. இதில் இயக்குனர் ராம், அதிதி ராவ் ஹைதாரி, நித்யா மேனன் உள்ளிட்டோர் முக்கிய வேடங்களில் நடிக்கின்றனர். பி.சி.ஸ்ரீராம் ஒளிப்பதிவு செய்யவிருப்பதாக இருந்தது பின்பு சில காரணத்தால் அவருக்கு பதிலாக தன்வீர் மிர் ஒளிப்பதிவு செய்கிறார் என்பது தெரியவந்தது.

ஜனவரி 24-ம் தேதி வெளியாகவுள்ள இந்த படத்திற்கு மிகுந்த ஆவலில் உள்ளனர் திரை விரும்பிகள். படத்தின் ட்ரைலர் வெளியாகி நல்ல வரவேற்பை பெற்று வருகிறது. தற்போது படத்தின் சாட்டிலைட் உரிமையை விஜய் தொலைக்காட்சி கைப்பற்றியுள்ளது.