பாகுபலி படத்தின் மூலம் உலகம் முழுவதும் ரசிகர்களை பெற்ற நடிகர் பிரபாஸ்.இந்த படம் இரண்டு பாகங்களாக வெளியாகி ,இரண்டு படங்களுமே ரசிகர்களிடம் நல்ல வரவேற்பை பெற்று வசூல் வேட்டை நடத்தின.சாஹோ படத்தை தொடர்ந்து பிரபாஸ் நடித்து வரும் படம் ராதே ஷ்யாம்.இந்த படத்தை ஜில் படத்தின் மூலம் பிரபலமான ராதாகிருஷ்ண குமார் இயக்குகிறார்.
UV க்ரியேஷன்ஷுடன் இணைந்து கோபி கிருஷ்ணா மூவிஸ் இந்த படத்தை தயாரிக்கின்றனர்.பூஜா ஹெக்டே இந்த படத்தில் கதாநாயகியாக நடித்துவருகிறார்.1970-ல் நடைபெறும் ரொமான்டிக் கதையாக இது இருக்கும் என்று தெரிகிறது.இந்த படத்தின் பர்ஸ்ட்லுக் போஸ்டர்,மற்றும் ப்ரோமோ வீடியோ வெளியாகி நல்ல வரவேற்பை பெற்றிருந்தது.தமிழ்,தெலுங்கு,ஹிந்தி உள்ளிட்ட மொழிகளில் இந்த படத்தின் போஸ்டர்கள் வெளியாகியுள்ளது.
கடந்த சில வருடங்களாக ஆக்ஷன் மோடில் இருந்த பிரபாஸ் இந்த படத்தில் ரொமான்டிக் ஹீரோவாக களமிறங்குகிறார்.இந்த படத்தின் தென்னிந்திய மொழிகளுக்கு Dear Comrade,மான்ஸ்டர்,பண்ணையாரும் பத்மினியும் உள்ளிட்ட படங்களுக்கு இசையமைத்த இளம் இசையமைப்பாளர் ஜஸ்டின் பிரபாகரன் இசையமைக்கிறார்.இந்த படத்தின் ரிலீஸ் கொரோனா காரணமாக தள்ளிப்போனது.
இந்த படம் பொங்கலை முன்னிட்டு ஜனவரி 14ஆம் தேதி 2022-ல் வெளியாகும் என்று படக்குழுவினர் அறிவித்துள்ளனர்.இந்த படத்தின் டீஸர் மற்றும் இரண்டு பாடல்கள் வெளியாகி நல்ல வரவேற்பை பெற்று வந்தது.தற்போது இந்த படத்தின் டப்பிங்கை நாயகி பூஜா ஹெக்டே நிறைவு செய்துள்ளார் என்ற தகவலை படக்குழுவினர் வெளியிட்டுள்ளனர்.
Our Prerana 💕 #PoojaHegde Wrapped Dubbing 🎙 for #RadheShyam ✌
— UV Creations (@UV_Creations) December 3, 2021
In Theaters from Jan 14th 2022#Prabhas @hegdepooja @director_radhaa @justin_tunes @UV_Creations @GopiKrishnaMvs @TSeries @RadheShyamFilm pic.twitter.com/smWetWqC5X