வெற்றிமாறன் இயக்கிய அசுரன் வெற்றியை தொடர்ந்து இயக்குனர் துரை செந்தில்குமார் இயக்கிய பட்டாஸ் படத்தில் நடித்து வந்தார் தனுஷ். சமீபத்தில் இந்த படத்தின் படப்பிடிப்பு பணிகள் முழுவதும் முடிவடைந்தது. எதிர் நீச்சல், கொடி போன்ற வெற்றி படங்களை இயக்கியவர் என்பது நாம் அறிந்தவையே. இத்திரைப்படத்தை சத்ய ஜோதி ஃபிலிம்ஸ் தயாரிக்கிறது.

இப்படத்திற்கு விவேக் - மெர்வின் இணைந்து இசையமைக்கின்றனர். இதில் தனுஷ் இரட்டை வேடங்களில் நடித்துள்ளதாகவும், ஜோடியாக நடிகை சினேகா மற்றும் மெஹ்ரீன் பிர்ஸாடா ஆகியோர் நடித்துள்ளனர். சமீபத்தில் வெளியான சில் ப்ரோ பாடல் பட்டையை கிளப்பி வருகிறது.

இப்படம் 16 ஜனவரி 2020-ல் வெளியாகும் என்ற அதிகாரப்பூர்வ அறிவிப்பு வெளியானது. இப்படத்தின் இரண்டாம் பாடலான முரட்டு தமிழன் டா லிரிக் வீடியோ சில தினம் முன் வெளியானது. இதனைத்தொடர்ந்து மூன்றாம் பாடலான ஜிகிடி கில்லாடி பாடலின் லிரிக் வீடியோ தற்போது வெளியானது. அனிருத் இந்த பாடலை பாடியுள்ளார்.