தமிழ் சினிமாவின் மிக முக்கிய இயக்குனர்களில் ஒருவராக திகழும் இயக்குனர் லிங்குசாமி நடிகர்கள் மம்முட்டி மற்றும் முரளி இணைந்து முன்னணி கதாபாத்திரங்களில் நடித்த ஆனந்தம் திரைப்படத்தின் மூலம் தமிழ் திரையுலகில் இயக்குனராக அறிமுகமானார். இதனையடுத்து நடிகர் மாதவனுடன் இணைந்து லிங்குசாமி இயக்கத்தில் ரொமான்டிக் ஆக்சன் திரைப்படமாக வெளிவந்த ரன் திரைப்படம் மெகா ஹிட்டானது.
தொடர்ந்து லிங்குசாமியின் இயக்கத்தில் விஷால் நடித்த சண்டக்கோழி, சீயான் விக்ரம் நடித்த பீமா, கார்த்தி நடித்த பையா மற்றும் மாதவன் & ஆர்யா இணைந்து நடித்த வேட்டை உள்ளிட்ட திரைப்படங்கள் ரசிகர்கள் மத்தியில் நல்ல வரவேற்பைப் பெற்று சூப்பர் ஹிட் ஆனது. கடைசியாக லிங்குசாமி இயக்கத்தில் வெளிவந்த அஞ்சான் மற்றும் சண்டக்கோழி 2 ஆகிய திரைப்படங்கள் கலவையான விமர்சனங்களை சந்தித்தது.
இதனிடையே இயக்குனர் லிங்குசாமியின் கம்பேக் திரைப்படமாக தமிழ் மற்றும் தெலுங்கு என இரு மொழிகளில் #RAPO19 படம் தயாராகிறது. முன்னணி தெலுங்கு நடிகர் ராம் பொத்தினேனி கதாநாயகனாக, காவல் துறை அதிகாரியாக நடிக்கும் இப்படத்திற்கு தி வாரியர் என பெயரிடப்பட்டுள்ளது. ஸ்ரீனிவாசா சில்வர் ஸ்கிரீன் நிறுவனம் தயாரிக்கும் தி வாரியர் திரைப்படத்தின் படப்பிடிப்பு முழுவீச்சில் நடைபெற்று வருகிறது
பிரபல இளம் நடிகை கீர்த்தி ஷெட்டி கதாநாயகியாக நடிக்கும் தி வாரியர் படத்தில் மிரட்டலான வில்லனாக நடிக்க, அக்ஷரா கௌடா மற்றும் ஜெயப்பிரகாஷ் ஆகியோர் முக்கிய கதாபாத்திரங்களில் நடித்து வருகின்றனர். சுஜித் வாசுதேவ் ஒளிப்பதிவு செய்யும் இப்படத்திற்கு தேவி ஸ்ரீபிரசாத் இசையமைத்துள்ளார். இந்நிலையில் தி வாரியர் படத்தின் அசத்தலான ஃபர்ஸ்ட் லுக் போஸ்டர் தற்போது வெளியானது. அந்த ஃபர்ஸ்ட் லுக் போஸ்டர் இதோ…
#RAPO19 is #𝐓𝐇𝐄𝐖𝐀𝐑𝐑𝐈𝐎𝐑𝐑 🔥#RAPO19FirstLook pic.twitter.com/dedw7G3SBD
— RAm POthineni (@ramsayz) January 17, 2022