சீயான் விக்ரம் தனது மகன் துருவ் விக்ரமுடன் இணைந்து நடித்துள்ள படம் மகான்.இந்த படம் கொரோனா சூழல் காரணமாக நேரடியாக அமேசான் ப்ரைம் தளத்தில் பிப்ரவரி 10ஆம் வெளியாகியுள்ளது.கார்த்திக் சுப்பாராஜ் இந்த படத்தினை இயக்கியுள்ளார்.சந்தோஷ் நாராயணன் இந்த படத்திற்கு இசையமைத்துள்ளார்.
பிரபல தயாரிப்பு நிறுவனமான 7 ஸ்க்ரீன் ஸ்டுடியோஸ் நிறுவனம் இந்த படத்தினை தயாரித்துள்ளனர்.சிம்ரன் இந்த படத்தில் ஹீரோயினாக நடித்துள்ளார்.பாபி சிம்ஹா,சனந்த்,முத்துக்குமார் என பல நட்சத்திரங்கள் இந்த படத்தில் முக்கிய வேடத்தில் நடித்துள்ளனர்.
3 வருடங்கள் கழித்து விக்ரம் படம் வெளியானதால் ரசிகர்கள் உற்சாகத்தில் உள்ளனர்.இந்த படம் வெளியாகி ரசிகர்கள் மற்றும் விமர்சகர்களிடம் அமோக வரவேற்பை பெற்று வருகிறது.இந்த படம் வெளியாகி 50 நாட்களை கடந்துள்ளது.இதுகுறித்து படக்குழுவினர் பலரும் தங்கள் மகிழ்ச்சியை தெரிவித்து வருகின்றனர்.
இந்த படத்தின் வெற்றி குறித்து சீயான் விக்ரம் ஒரு அறிக்கை வெளியிட்டுள்ளார்.அந்த அறிக்கையில்
‘நம்ம வாழ்க்கை.. சும்மா ஏதோ ஒரு பணக்காரனா வாழ்ந்திட்டு செத்துடணுங்கிற வாழ்க்கையா இருக்கக்கூடாது.ஒரு வாழ்க்கை. வரலாறா வாழ்ந்திடனும்’.- காந்தி மகான்.
வாழ்க்கையில் நாம் விரும்பி செய்த ஒரு விஷயம் வெற்றியை தொடும்போது கிடைக்கும் சந்தோஷத்திற்கு அளவே இல்லை.
மகானில் நடித்த ஒவ்வொரு நொடியும் என் மனதில் இன்றும் ஒரு ‘sweet’ கனவாய் நிற்கிறது. அதே மகான் நான்கு மொழிகளில் அனைவரும் கண்டு ரசித்த ஒரு பிரமாண்ட வெற்றி படம் என்று நினைக்கும்போது.. மகிழ்ச்சியோ மகிழ்ச்சி.
Social mediaவில் ரீல்ஸ், மீம்ஸ், டிவீட்ஸ் & மெஸெஜெஸ் வாயிலாக மகானை கொண்டாடிய அனைவரின் அன்பையும், ஆதரவையும் உணர்ந்தேன். இந்த அன்புதான் என்னை மென்மேலும் பாடுபட ஊக்குவிக்கிறது. இதை என்றும் அன்புடனும், பணிவுடனும் நன்றி மறவாமல் நினைவில் கொள்வேன்.
அப்படியே ஒரு வியக்கத்தக்க கேன்வாசில் மகானை கொண்டு போய் நிறுத்திய கார்த்திக் சுப்புராஜின் கைவண்ணம், எனக்கு அன்பாய் வழங்கிய சுதந்திரம், சின்ன சின்ன விஷயங்களை ரசித்து வழி நடத்திய விதம்.. அழகு. நன்றிகள் பல்லாயிரம்.
பாபிக்கு thanx. நீ இல்லாமல் என் சத்யா சாத்தியமே இல்லை. சிறப்பாக நடிப்பது தனக்கொரு இயல்பான talentனு மீண்டும் சுட்டி காட்டிய சிம்ரனுக்கு thank you.
த்ருவ். தனக்குள் இருக்கும் திறமையையும், தனித்துவத்தையும் வெளியே கொண்டுவந்து சவாலாக இமேஜ் தாண்டியதிற்கு.. hats-off மகனே.
வியர்வை, ரத்தம், (நிஜமான) கண்ணீர் சிந்தி மகானின் வெற்றிக்கு உழைத்த மகான் gangற்கு ஒரு பெரிய salute. எங்களுடன் ‘நீயா, நானா’ என்று வெறியோடு போட்டி போட்டு கலக்கிய சனா, ஷ்ரேயெஸ், தினேஷ்.. Rock On!
மகானை நிஜமாக்கிய தயாரிப்பாளருக்கும், உலகம் முழுவதும் உள்ள கோடிக்கணக்கான இல்லங்களிலும், உள்ளங்களிலும் கொண்டு சேர்த்த அமேசான் பிரைம் வீடியோவுக்கும் a big thank you. என்று தெரிவித்துள்ளார்
Love you Chiyaan ♥️♥️🤗🤗
— karthik subbaraj (@karthiksubbaraj) March 31, 2022
A Thanks Note from the desk of #ChiyaanVikram #Mahaan #50daysofMahaan #DhruvVikram @Music_Santhosh @kshreyaas@vivekharshan @SimranbaggaOffc@actorsimha @7screenstudio @PrimeVideoIN @sherif_choreo@DineshSubbaray1 @Stylist_Praveen pic.twitter.com/wrfhT7p5CW