வலிமை படத்தில் நடந்த முக்கிய மாற்றம் ! விவரம் இதோ

தமிழ் திரையுலகில் தன்னிகரில்லா நாயகர்களில் ஒருவர் அஜித் இவருக்கென ஒரு பெரிய ரசிகர் பட்டாளமே உள்ளது. இவர் நடிப்பில் தயாராகியுள்ள வலிமை படம் பிப்ரவரி 24ஆம் தேதி திரையரங்குகளில் வெளியாகி நல்ல வரவேற்பை பெற்று வருகிறது.

போனி கபூர் இந்த படத்தை தயாரித்துள்ளார்.இந்த படத்தினை சதுரங்க வேட்டை,தீரன் உள்ளிட்ட படங்களை இயக்கிய எச் வினோத் இயக்கியுள்ளார்.இதற்கு முன் இதே கூட்டணியின் நேர்கொண்ட பார்வை படம் வெளியாகியிருந்தது குறிப்பிடத்தக்கது.யுவன் ஷங்கர் ராஜா இந்த படத்திற்கு இசையமைத்துள்ளார்.

தெலுங்கு நடிகர் கார்த்திகேயா இந்த படத்தில் வில்லனாக நடித்துள்ளார்.ஹுமா குரேஷி இந்த படத்தில் ஹீரோயினாக நடித்துளளார்.தமிழ்,தெலுங்கு,ஹிந்தி,கன்னடம் உள்ளிட்ட மொழிகளில் வெளியாகியுள்ளது.பெரிய எதிர்பார்ப்புக்கிடையே பிரம்மாண்டமாக வெளியான இந்த திரைப்படம் ரசிகர்களிடம் விமர்சகர்களிடமும் சுமாரான முதல் நல்ல வரவேற்பை பெற்று வருகிறது.

படம் 2 மணி 58 நிமிடங்கள் இருப்பதால் பலருக்கும் படத்தின் நீளம் பெரிய மைனஸாக இருப்பதாக தெரிவித்து வந்தனர்.இதனை கவனித்த வலிமை படக்குழுவினர் படத்தில் 14 நிமிடங்களை குறைத்துள்ளனர்.இதனால் படம் இன்னும் விறுவிறுப்பாக செல்லும் என்று திரையரங்க உரிமையாளர்கள் பலரும் நம்பிக்கை தெரிவித்துள்ளனர்.

#Valimai trimmed by 14 minutes! Shorter runtime going to be a big boost for the upcoming days. Now playing 23 shows a day @RohiniSilverScr !! 💥💥💥 @mynameisraahul @BoneyKapoor

— Nikilesh Surya 🇮🇳 (@NikileshSurya) February 25, 2022